گوجرانوالہ اور گجرات کے آؤٹ ڈور ایڈورٹائزرز نے آل پاکستان آؤٹ ڈور ایڈورٹائزرز
ایسوسی ایشن (APOAA) کی قیادت پر مکمل اعتماد کا اظہار کرتے ہوئے باہمی تعاون، پیشہ ورانہ ہم آہنگی، ضابطۂ اخلاق کے فروغ اور صنعت کی ترقی کے لیے مفاہمتی یادداشتوں (MoUs) پر دستخط کیے۔
اس موقع پر APOAA کے وفد کی قیادت بانی و چیئرمین میاں محمد رفیق کر رہے تھے جبکہ وفد میں سینئر وائس چیئرمین میاں نعیم تاج، سینئر ایگزیکٹو ممبر عمران جعفری اور ایگزیکٹو ممبر عرفان خواجہ ڈار شامل تھے۔
گوجرانوالہ کے آؤٹ ڈور ایڈورٹائزرز نے APOAA کے وفد کا پرتپاک استقبال کیا۔ میزبان وفد کی قیادت جناب نیاز احمد (صدر گوجرانوالہ آؤٹ ڈور ایڈورٹائزنگ ایسوسی ایشن) نے کی۔ اس موقع پر فرخ ندیم بھنڈر، طیب بٹ، محمد آصف، زاہد مغل، عمر دین، ندیم صاحب، ولید، خرم شہزاد، ایم سرفراز، اور فاروق صاحب سمیت دیگر معزز شخصیات موجود تھیں۔
اسی طرح گجرات آؤٹ ڈور ایڈورٹائزنگ ایسوسی ایشن نے بھی APOAA پر اپنے بھرپور اعتماد کا اظہار کرتے ہوئے مفاہمتی یادداشت پر دستخط کیے۔ گجرات کی جانب سے صدر شہباز دوگائی نے دستخط کیے۔ گجرات کی نمائندگی ہارون شاہ، ندیم صاحب، ملک عصمت، اور کامران گمن نے کی۔
دونوں شہروں کے نمائندگان نے اس عزم کا اعادہ کیا کہ باہمی اتحاد، نظم و ضبط اور مشترکہ کاوشوں کے ذریعے آؤٹ ڈور ایڈورٹائزنگ انڈسٹری کو مزید مضبوط اور منظم بنایا جائے گا۔
شرکاء نے میاں محمد رفیق کی قیادت اور انتھک کاوشوں کو خراجِ تحسین پیش کرتے ہوئے کہا کہ انہوں نے آؤٹ ڈور ایڈورٹائزنگ انڈسٹری کو ایک مضبوط اور باوقار شناخت دلانے میں نمایاں کردار ادا کیا ہے
شرکاء نے میاں محمد رفیق کی قیادت اور انتھک کاوشوں کو خراجِ تحسین پیش کرتے ہوئے کہا کہ انہوں نے آؤٹ ڈور ایڈورٹائزنگ انڈسٹری کو ایک مضبوط اور باوقار شناخت دلانے میں نمایاں کردار ادا کیا ہے
